Shkup, 29 janar – Përveç Igor Nikolovit, i cili do të largohet për t’u bërë ambasador në Francë, janë propozuar edhe tre ambasadorë të rinj për Ukrainë, Japoni dhe Kroaci.
Burime qeveritare konfirmojnë se për ambasador në Ukrainë është propozuar Dimitar Blazhevski, në Japoni Andrijana Cvetkoviq dhe në Kroaci Dragan Gjurçevski.
Ndryshe, në seancën e djeshme të qeverisë është marrë vendim për nisjen e procedurës për tërheqjen e nëntë ambasadorëve aktual.
Mes tyre janë ambasadorja në Bullgari, Agneza Rusi-Popovska, në Mal të Zi, Zeqir Ramçiloviq, në Belgjikë – Metodija Belevski, ambasadorja dhe përfaqësuesja e përhershme e Maqedonisë së Veriut në Këshillin e Evropës, Svetlana Geleveva, si dhe ambasadori dhe shefi i Misionit të Përhershëm pranë Organizatave Ndërkombëtare, Pajo Aviroviq.
Në këtë listë janë edhe ambasadorët në Bosnje dhe Hercegovinë – Jakup Rexhepi, në Çeki – Emil Krstevski, në Suedi – Xhenk Sejfula, si dhe Katerina Stavreska, ambasadore në Mbretërinë e Bashkuar të Britanisë së Madhe dhe Irlandës së Veriut.