Shkup, 4 qershor – Komisioni parlamentar për zgjedhje dhe emërime sot i ka pranuar propozimet për përbërjen e personelit të Komisionit të Sistemit Politik dhe Komisionit Legjislativo-Juridik.
Kryetari i Komisionit për sistem politik është Lupço Prenxhov, ndërsa zëvendësi i tij Jovan Jaulevski, ndërsa kryetari i KLL-së është Aleksandar Veljanovski, dhe zëvendësi i tij Boban Nikollovski.
Anëtarët e Komisionit e kanë pranuar kërkesën e ish presidentit Stevo Pendarovski për pezullimin e të drejtës së pensionit që e ka dorëzuar në Kuvend më 15 maj.
Gjithashtu janë pranuar edhe 29 kërkesa për apanazh të deputetëve të përbërjes parlamentare 2020-2024. Kundër propozimit për apanazh ishte deputeti i Të Majtës, Krmov. Afati për paraqitjen e kërkesave për apanazh ende nuk ka përfunduar.
Kryetari i Komisionit, Gjorgjija Sajkovski njoftoi se ka nënshkruar kërkesë për ndërprerjen e apanazhit të Oliver Spasovskit dhe Vesna Bendevskës për faktin se janë bërë deputetë.