Shkup, 1 shtator – Deklaratë solemne para fillimit të ushtrimit të funksionit si gjyqtarë të Gjykatës së Apelit Shkup sot para Këshillit gjyqësor dhanë gjyqtarët e sapozgjedhur Elizabeta Nastov, Sofija Milenkova, Cvetanka Siljanoska Kostadinovska, Keti Germanova, Bllagica Gjoshevska dhe Artan Limani.
Gjashtë gjyqtarët për Gjykatën e Apelit Shkup, Këshilli gjyqësor i zgjodhi në maj të këtij viti në seancën e 523-të, pas së cilës skaduan afatet për ankesat rreth përzgjedhjes.
Gjyqtarët Elizabeta Nastov, Sofija Milenkova, Cvetanka Siljanoska Kostadinovska, Keti Germanova dhe Artan Limani vijnë nga Gjykata Themelore Civile e Shkupit, ndërsa gjyqtarja Bllagica Gjoshevska nga Gjykata Themelore e Kriva Pallankës.
Në njoftimin për zgjedhjen e 10 gjyqtarëve të Gjykatës së Apelit Shkup, Këshilli gjyqësor, përveç këtyre gjashtë gjyqtarëve për fushën civile, zgjodhi edhe katër gjyqtarë për fushën penale.
Për gjykatës në Gjykatën e Apelit Shkup, për fushën penale janë zgjedhur: Marija Kletniçka Markovska, gjyqtare e Gjykatës Themelore Penale Shkup; Ola Ristova, gjyqtare e Gjykatës Themelore Penale Shkup; Ivan Xholev, gjyqtar i Gjykatës Themelore Penale Shkup dhe Betim Jahja, gjyqtar i Gjykatës Themelore Tetovë.
Deklaratë solemne para fillimit të kryerjes së funksionit si kryetar i Gjykatës Themelore Ohër sot dha edhe gjyqtari Bojan Martinoski.