Gjendet i vdekur në qeli 37-vjeçari shqiptar në Greqi

Një 37 vjeçar shqiptar është gjendur pajetë në qelinë ku kryente dënimin në Greqi, në rrethana ende të paqarta.

Sipas raportimeve paraprake, ngjarja ka ndodhur në burgjin e Malandrinos, ku 37-vjeçari shqiptar dhe një grek 38 vjeç u gjetën pa ndjenja në qeli.

Edhe pse gardianët u kanë dhënë ndihmën e parë, është konfirmuar vdekja e 37-vjeçarit shqiptar, ndërsa greku është dërguar në spital, ku po merr ndihmën mjekësore.

Policia po kryen hetimet për zbardhjen e ngjarjes, ndërsa është urdhëruar autopsia për të përcaktuar shkakun e saktë të vdekjes së 37-vjeçarit të burgosur.