Bashkëshortja e Milan Radoiçiqit, Ema Radoiçiq është duke u intervistuar në stacionin e policisë në veri të Mitrovicës.
Lajmin për Telegrafin e konfirmoi zëvendësdrejtori i Policisë së Kosovës për rajonin e Mitrovicës veriore, Veton Elshani.
Sipas tij, bashkëshortja e Radoiçiqit është ftuar nga Krimet Ekonomike në Prishtinë, dhe po intervistohet në prani të avokatit të saj.
“Konfirmojmë se në Mitrovica Veri është duke u intervistu ky person në prani të avokatit me ftesë të Krimeve Ekonomike në Prishtinë”, ka thënë Elshani.
Ndryshe, Milan Radoiçiq është i dyshuari kryesor për sulmet më 24 shtator në Banjskë edhe pse ai kishte pranuar publikisht organizimin e sulmit, megjithatë vazhdon të jetë i lirë pasi është larguar nga Kosova pas sulmit. Ai pas 24 shtatorit dha dorëheqjen nga posti i nënkryetarit të Listës Serbe, partisë më të madhe të serbëve në Kosovë, e cila gëzon mbështetjen e Beogradit zyrtar.