Haradinaj: Numri ynë është 137, fitorja e Kosovës është më 9 shkurt

Kreu i Aleancës për Ardhmërinë e Kosovës (AAK), Ramush Haradinaj, ka shprehur besimin se numri 137 do të sjellë fitore në zgjedhjet e 9 shkurtit.

Në një postim në rrjetet sociale, Haradinaj ka theksuar se nën këtë numër do të garojnë aleancat politike që përfshijnë Aleancën, Nismën, Konservatorët, Forumin Intelektual E-30 dhe Listën Ideal.

“Numri ynë është 137. Nën numrin 137, me 9 shkurt, janë Aleanca – Nisma – Konservatorët – Forumi Intelektual E-30 dhe Lista Ideal. Në numrin 137 është fitorja e Kosovës”, ka shkruar Haradinaj, duke i bërë thirrje qytetarëve që të mbështesin këtë koalicion në zgjedhjet që do të mbahen më 9 shkurt.