Kryetari i AAK-së, Ramush Haradinaj ka uruar kandidatin republikan Donald Trump, i cili është duke prirë me vota në zgjedhjet për president në SHBA.
Haradinaj, thotë se nën udhëheqjen e Trumpit, Kosova kishte krijuar Ushtrinë.
“Urime popullit amerikan për një proces zgjedhor që pasqyron vlerat e demokracisë dhe fuqinë e vullnetit të lirë të qytetarëve të tij. Një urim i veçantë për Presidentin Donald Trump për zgjedhjen e tij. Nën udhëheqjen e President Trump kemi krijuar Ushtrinë e Kosovës, jam i bindur se, nën drejtimin e tij, Shtetet e Bashkuara të Amerikës do të vazhdojnë të qëndrojnë si aleati ynë më i fortë dhe i palëkundur”, ka pohuar ai.
Tutje, ai ka shtuar se “në këtë rrugëtim për konsolidimin e shtetit dhe synimin tonë afatshkurtër drejt anëtarësimit direkt në NATO, mbështetja e SHBA-së mbetet kyçe”.