Bruksel, 11 korrik – Bashkimi Evropian ka marrë kërkesë nga Shkupi për ndihmë në përballjen me zjarret, ku autoritetet e Maqedonisë e kanë aktivizuar Mekanizmin e Mbrojtes Civile të BE-së, informoi për MIA-n zëdhënësja e Komisionit Evropian për gatishmëri, Eva Hërncirova.
“Si përgjigje, Qendra e koordinimit për ndërhyrje emergjente (ERCC) ka mobilizuar dy aeroplan[ nga “ReskBE” nga Greqia për t”u dërguar në rajonin e prekur për ndërhyrje të shpejta”, deklaroi Hërncirova.
Ajo shtoi se këto aeroplanë për shuarjen e zjarrit janë sistemuar paraprakisht në jug të Evropës para sezonit në verës, që të mund të veprojnë menjëherë nëse është e nevojshme.
“ReskBE” përfaqëson mbindërtimin e Mekanizmit për Mbrojtje Civile të BE-së me qëllim ofrimin e mbrojtjes shtesë për qytetarët nga katastrofat dhe për të përballuar rreziqet e reja. Ai është krijuar si rezervë strategjike e kapaciteteve evropiane për përgjigje të katastrofave, plotësisht i financuar nga BE-ja.
“ReskBE” përfshin një flotë nga aeroplanë dhe helikopterë për shuarjen e zjarreve, aeroplanë për evakuimin mjekësor dhe rezerva thelbësore, të cilat përfshijnë spitale terreni, mjete transporti, gjeneratorë, tenda, materiale mjekësore dhe pajisje për reagimin ndaj gjendjeve urgjente kimike, biologjike, radiologjike dhe bërthemore.