Shkup, 19 qershor – Kryesia e Aleancës për Shqiptarët e prirë nga Arben Taravari ka votuar unanimisht propozimet për dy zëvendësministrat që i takojnë në kuadër të koalicionit VLEN në qeverisjen e re.
Për postin e zëvendësministrit të mbrojtjes është propozuar Elfete Ismaili nga Shkupi, ndërsa në postin e zëvendësministrit të bujqësisë, Flakron Bexheti. Dy emrat e përmendur pritet që të votohen në Kuvendin e RVM.
Kryesia e Aleancës për Shqiptarët, sot më 19 Qershor 2024, ka mbajtur mbledhje në të cilën u diskutua për përzgjedhjen e kuadrove për Qeverisjen ardhshme dhe me unanimitet zgjodhi kandidatët për zv/Ministra në Qeverinë e re, të cilat do të duhet ti votoj Parlamenti i RMV-së.
Kryesia e Aleancës për Shqiptarët vendosi që Elfete Ismaili të jetë kandidate për zv/Ministër të Mbrojtjes dhe Flakron Bexheti kandidat për zv/Ministër të Bujqësisë.
Gjatë diskutimit u theksua se të përzgjedhurit e Aleancës për Shqiptarët në qeverinë e ardhshme në kuadër të VLEN do të reflektojnë ndryshimin e shumëpritur, do të jenë në më krye të detyrës dhe në shërbim të qytetarëve dhe në mbrojtje të interesave të tyre.
Lufta kundër krimit dhe korrupsionit, rruga evropiane e vendit dhe rritja ekonomike dhe mirëqenia e qytetarëve janë shtyllat bazë të qeverisjes së ardhshme.