​Kamioni godet për vdekje një person në Prizren

Një person ka humbur jetën sot si pasojë e goditjes nga një kamion në lëvizje, në lagjen “Lakuriq” të Prizrenit.

Drejtuesi i kamionit derisa ishte duke lëvizur në afërsi të një punishteje, nga pakujdesia ka goditur viktimën, ku shërbimi i urgjencës është njoftuar menjëherë dhe mjekët në vendngjarje kanë konstatuar vdekjen e viktimës.

Policia ka dalë në vendngjarje për të sqaruar rrethanat e aksidentit, ndërsa i dyshuari është ndaluar në stacionin policor.

Prokurori i Shtetit në bashkërendim me prokurorin po ndërmarrin veprimet e domosdoshme ligjore për sqarimin e plotë të rrethanave të ngjarjes.

Hetimet rreth rastit janë duke u zhvilluar nga Njësia Rajonale e Komunikacionit Rrugor në Prizren.