Londër, 7 shkurt – Sekretari i Shtetit për Çështjet e Jashtme, të Komonuelthit dhe Zhvillimit, Dejvid Lemi (David Lammy), ka emëruar Kerën Pirs (Karen Pierce) si të dërguarën e posaçme të Mbretërisë së Bashkuar në Ballkanin Perëndimor, me përgjegjësi për realizimin e Samitit.
Ajo do të marrë rolin në vazhdimësi nga Lordi Piç (Peach) në mars 2025.
Pierce, e cila është ndër diplomatet britanike më me përvojë, do të ketë për detyrë t’i çojë përpara synimet strategjike të Britanisë në vendet e Ballkanit, Kosovë, Shqipëri, Serbi, Mal të Zi, Maqedoni të Veriut dhe Bosnje e Hercegovinë, thuhet në njoftim.
Pierce po e merr këtë post pas pesë vjetëve si ambasadore e Britanisë në Shtetet e Bashkuara të Amerikës.
Në të kaluarën, ajo ka qenë edhe ambasadore britanike në Kombet e Bashkuara. Nga viti 2002 deri më 2006, ajo shërbeu si koordinatore për Ballkanin.