Zëdhënësi i Forcave Detare të Ushtrisë Çlirimtare Popullore të Kinës Wang Xuemeng tha të dielën se avionët e Forcave të Vetëmbrojtjes (SDF) të Japonisë iu afruan dhe ndërprenë vazhdimisht operacionet e forcave detare kineze gjatë një stërvitjeje rutinë, duke kërcënuar seriozisht sigurinë e fluturimit.
Wang shpjegoi se kohët e fundit u krye një stërvitje standarde fluturimi e avionëve luftarakë të bazuar në aeroplanmbajtësen “Liaoning”, në ujërat në lindje të ngushticës Miyako, duke njoftuar paraprakisht për zonat detare dhe ajrore përkatëse.
Sipas tij, gjatë stërvitjes, avionët e SDF-së hynë vazhdimisht në zonat e caktuara, duke shkaktuar shqetësime që ndikuan rëndë në stërvitjen detare kineze dhe paraqitën rreziqe serioze për sigurinë e fluturimit.
Wang deklaroi gjithashtu se zhurma e bërë prej Japonisë për këtë çështje ishte plotësisht në kundërshtim me faktet.