Komuna e Podujevës njofton për orarin e punës gjatë festave të Vitit të Ri 2026

Komuna e Podujevës ka njoftuar qytetarët mbi orarin e punës gjatë festave të fundvitit, bazuar në Ligjin Nr. 03/L-064 për Festat Zyrtare të Republikës së Kosovës dhe Rregulloren për Orarin e Punës për Bizneset që Operojnë në Komunë.

Sipas njoftimit, për nëpunësit e administratës ditët e pushimit zyrtar do të jenë 1 dhe 2 janar 2026.

Përsa i përket bizneseve, më 1 janar 2026 nuk do të punojnë veprimtaritë, përjashtuar:

• Bizneset e hotelerisë dhe gastronomisë,
• Internet kafe, videolojëra dhe aktivitete të ngjashme,
• Pompat e derivateve,
• Furrat e bukës,
• Barnatoret sipas kujdestarisë në zonat I, II dhe III.