Shkup, 30 maj – Në organizim të Këshillit republikan për siguri në komunikacionin rrugor (KRSKRR), sot në Shkup do të mbahet konferenca e tretë ndërkombëtare “Përmirësimi i sigurisë në trafikun rrugor”.
“Përmes prezantimeve të punimeve shkencore-profesionale dhe lituraturës profesionale, ekspertë të shumtë të njohur vendas dhe të huaj në fushën e trafikut do të shkëmbejnë përvoja dhe praktika të mira në tema që përfshijnë sigurinë e trafikut dhe pjesëmarrësve në trafikun rrugor, inxhinierinë dhe projektimin e trafikut, sistemet intelegjente të transportit dhe teknologjitë e reja, politika dhe rregulloret e trafikut, bashkëpunimi nacional dhe ndërkombëtar dhe shumë tema të tjera që synojnë përmirësimin e sigurisë në trafikun rrugor”, informojnë nga KRSKRR.