Shkup, 22 prill – Po punohet shumë për të arritur barnat deficitar, informojnë sot nga Klinika Universitare për Radioterapi dhe Onkologji (KURO).
“Procedura ka përfunduar nga ana e IPSH KU për Radioterapi dhe Onkologji. Kontrolli Administrativ në Byronë për Prokurime Publike ka përfunduar në një afat rekord. Momentalisht rrjedh afati për ankesa dhe çështja e prokurimit publik për momentin është në Komisionin Shtetëror për Ankesa për Prokurimet Publike”, sqarojnë nga Klinika.
Ata theksojnë se ekipi për prokurime publike i kësaj klinike po punon shumë për t’i përfunduar të gjitha procedurat sa më shpejtë të jetë e mundur, që të mund të firmosen marrëveshjet me shpërndarësit dhe barnat të dorëzohen në klinika deri në fund të javës.
Nga Klinika për MIA-n sqarojnë se në procedurë janë gjithsej 40-të artikuj, duke i përfshirë edhe ata që për momentin janë deficitar.