Me rastin e 26 vjetorit të flijimit për lirinë e Kosovës të Kadri, Avdi dhe Xhevdet Karaqica, kryetari i komunës së Drenasit, Ramiz Lladrovci, me familjarë të dëshmorëve e qytetarë, ka bërë homazhe dhe vendosi lule të freskëta pranë Memorialit të dëshmorëve në Gllanasellë.
Lavdia e dëshmorëve Karaqica, do të përcillet brez pas brezi, për të treguar se kjo tokë ka dalëzotës, kjo tokë nuk duron këmbë të huaj, ka deklaruar Lladrovci.
Deklarata e tij në rrjetin social:
Me nderim, pranë Memorialit të dëshmorëve në Gllanasellë, me familjarë të dëshmorëve, qytetarë e bashkëpunëtorë, u përkulëm pranë vendit ku prehen dëshmorët e kombit, Kadri, Avdi dhe Xhevdet Karaqica, me rastin e përvjetorit të 26-të, nga rënia e tyre heroike.
Kadriu, Avdiu dhe Xhevdeti, dëshmuan se liria e Kosovës ishte qëllimi i tyre jetësor, na treguan se liria ka çmim dhe për këtë qëllim, si më të devotshmit e kombit, me dinjitet i dalin okupatorit përball.
Përkulja para veprës së tyre heroike dhe vendosja e luleve pranë varreve, është simbolikë për të shprehur respektin tonë të thellë për dëshmorët e kombit, lavdia e të cilëve do të përcillet brez pas brezi, për të treguar se kjo tokë ka dalëzotës, kjo tokë nuk duron këmbë të huaj.
Lavdi e përjetshme për dëshmorët e kombit, Kadri, Avdi dhe Xhevdet Karaqica!
Lavdi Ushtrisë Çlirimtare të Kosovës!
https://www.facebook.com/share/p/19tZjUyMK7/?mibextid=wwXIfr