Shkup, 23 nëntor – LSDM opozitare nesër do të mbajë Kongresin e 30-të, në të cilin pritet të zgjidhet kryesia e re e partisë. Kongresi do të mbahet në hotelin “Aleksander Palace”, me fillim nga ora 13:00, njoftuan nga partia.
“Kongresi do të ketë një pjesë të hapur dhe punuese, do të diskutohet e ardhmja, politikat e reja të partisë dhe pritet të zgjidhet kryesia e re e partisë (anëtarë të rinj të organeve më të larta, Këshilli Qendror, Këshilli Mbikëqyrës) “, njoftoi sot LSDM.
Në fillim të mbledhjes së organit më të lartë të partisë, kryetari Venko Filipçe do të mbajë një fjalim. Më pas vijon pjesa e punës e Kongresit, e cila do të jetë e mbyllur për publikun.
Kujtojmë se zgjedhjet e liderit në LSDM u mbajtën në fund të qershorit pasi LSDM pësoi humbje katastrofike në zgjedhjet parlamentare të 8 majit, kur fitoi gjithsej 18 mandate parlamentare.
Ish-ministri i Shëndetësisë dhe deputeti aktual Venko Filipçe u zgjodh kryetar i Lidhjes Socialdemokrate të Maqedonisë së Veriut (LSDM).