Mbyllja e TikTok/ Topalli: Shpreh frikën e shtetit që po humb kontrollin mbi çdo gjë

Anëtarja e kryesisë së Partisë Demokratike, Jozefina Topalli e ftuar në emisionin “Debat” nga Alba Alishani në A2 CNN ka folur për mbylljen e TikTok.

Topalli tha se dhe kjo çështje është pjesë e një zinxhiri të tërë që përdoret për t’u shmangur nga debati. Kjo shmangie nga debati, thotë Topalli, tregon panik nga mundësia e të rinjve për të kundërshtuar pushtetin e tij.

Topalli tha se të rinjtë do e gjejnë sërish mundësin për t’u shprehur lirshëm, por shteti po humb kontrollin mbi çdo gjë.