Më së ftohti në Berovë, më së ngrohti nesër në Gjevgjeli

Shkup, 15 tetor – Në Berovë është matur temperatura më e ulët këtë mëngjes – vetëm 1 gradë. Katër gradë janë regjistruar në Lazaropole, 5 në Kriva Pallankë dhe Manastir, 6 në Shkup – Petrovec, Tetovë, Shtip, Demir Kapi, Strumicë, Hanet e Mavrovës, 7 në Prilep, Dibër, Kumanovë, Veles, Kodrën e Diellit, 8 në Shkup – Zajçev Rid, Ohër, Pretor, Krushevë, Kavadar, ndërsa 9 në Vinicë, 10 në Gjevgjeli, informojnë nga DPHM-ja.

Nga DPHM-ja shtojnë se sot na pret mot me diell dhe relativisht i ngrohtë, me vranësira lokale të ulëta deri në mesatare. Pritet të fryjë erë e lehtë deri mesatare nga drejtimi verior. Temperatura maksimale, sipas njoftimeve, do të arrijë nga 22 deri në 28 gradë.

Temperatura maksimale në Shkup pritet të arrijë deri 25 gradë.