Bern, 6 dhjetor – Kryetari i Komunës së Strugës, Mendi Qyra, ka zhvilluar një takim me bashkatdhetarët struganë që jetojnë dhe veprojnë në Zvicër, në kuadër të një vizite zyrtare me qëllim forcimin e lidhjeve me diasporën.
Gjatë takimit, Qyra theksoi rëndësinë e madhe që ka diaspora për zhvillimin e Strugës, duke vlerësuar mbështetjen e vazhdueshme që bashkatdhetarët japin për qytetin e tyre, si në aspektin moral ashtu edhe në atë konkret.
“Lidhja e diasporës me Strugën mbetet e fortë dhe e sinqertë. Kontributi i tyre është një shtyllë e rëndësishme për rrugëtimin përpara të qytetit tonë”, u shpreh Qyra.
Ai shtoi se kërkesat, idetë dhe iniciativat e diasporës do të trajtohen si prioritet nga institucionet komunale, duke theksuar se vetëm përmes bashkëpunimit Struga mund të ecë përpara në mënyrë të sigurt dhe të qëndrueshme.
Takimi u vlerësua si një hap i rëndësishëm drejt forcimit të bashkëpunimit ndërmjet Komunës së Strugës dhe diasporës në Zvicër.