Shkup, 5 shtator – Sonte, në lagjen Serovë të Çairit, u mbajt një tubim madhështor, ku kandidati për kryetar të Komunës së Çairit nga VLEN, z. Izet Mexhiti, u prit me entuziazëm dhe përkrahje të madhe nga banorët e zonës.
“Nga një konak i planifikuar, Serova e ktheu natën në një tubim madhështor. Atmosfera ishte e jashtëzakonshme-plot jehonë, besim dhe entuziazëm. Qytetarët treguan qartë se Çairi është gati për hapin e madh përpara,” u shpreh z. Mexhiti.
Ai theksoi se programi i tij përfshin projekte konkrete për zhvillim, ndërtim të mirëqenies për çdo familje, dhe rikthim të shpresës për një të nesërme më të mirë për të gjithë qytetarët e Çairit.
“Faleminderit, Serovë, për mbështetjen e jashtëzakonshme! Ju jeni forca jonë, ju jeni garancia e fitores,” shtoi z. Mexhiti.