Koçan, 20 gusht – Kryeministri Hristijan Mickoski sot ka vizituar varrezat në Koçan, ku në shenjë respekti ka ndezur qirinj tek varrezat e viktimave të zjarrit në diskotekën Puls.
Prindët e fëmijëve të ndjerë kanë vlerësuar pozitivisht këtë gjest të kryeministrit Mickoski.
“Kuptova që sot Kryeministri ishte në varrezat në Koçan dhe ndezi një qiri mbi varret e engjëjve tanë. Një akt i qetë dhe dinjitoz.
Për ne prindërit, të gjithë; kushdo që do të qëndrojë me respekt para dhimbjes që mbajmë është para së gjithash një qenie njerëzore. Sot e përjetova Kryeministrin si një qenie njerëzore.
Ju lutem, mos e keqpërdorni këtë dhimbje për politikë dhe për çështje ditore. Dhimbja është e jona, dhe gjesti ishte njerëzor. Kaq mjafton”, ka shkruar Todor Antov, në emër të prindërve të viktimave të kësaj tragjedie.
