Ministri Perinski për vizitë në Komunën e Kriva Pallankës

Shkup, 16 maj – Ministri i Vetëqeverisjes Lokale, Zllatko Perinski sot do ta vizitojë Kriva Pallankën në kuadër të fushatës “Ku zemra është në shtëpi”.

Perinski do të ketë takim me kryetarin e Komunës, Sashko Mitovski, Këshillin komunal dhe të punësuarit në administratën e Komunës së Kriva Pallankës, ku do të kryhet inspektim në projektin IPA “Parqet” (PARKS) – Ruajtja e zonave përmes njohurive rajonale dhe qëndrueshmërisë, mbështetur nga IPA INTERREG program i BE-së për bashkëpunim ndërkufitar Bullgari-Maqedonia e Veriut.