Mot me diell ditëve në vijim, por me mëngjese më të freskëta

Shkup, 17 shtator – Në ditët në vijim pritet mot me diell, me mëngjese më të freskëta dhe rritje graduale të temperaturave të ditës, informojnë nga Drejtoria për punë hidrometeorologjike.

Gjatë ditës së nesërme do të fryjë erë mesatare deri e përforcuar veriore, lokalisht me shpejtësi mbi 60 kilometra në orë. Temperatura minimale do të jetë në interval prej 3 deri 15, ndërsa ajo maksimale do të arrijë prej 19 deri 28 gradë Celsius.

Në Shkup temperatura minimale do të ulet deri 11, ndërsa ajo maksimale do të arrijë deri 26 gradë Celsius.