Shkup, 25 prill – Mbështetja e ndërsjellë që shprehim në planin e integrimit evropian është një shembull i mirë i vendosmërisë sonë për të përparuar në këtë rrugë që do të na ofrojë siguri, stabilitet dhe progres drejt një Evrope të begatë që synojmë bashkërisht. Çdo sukses i njërit prej vendeve të rajonit në rrugën evropiane është lajm i mirë për të gjitha tjerat.
Këtë bashkërisht e konstatuan ministrat e Punëve të Jashtme të Maqedonisë së Veriut dhe Malit të Zi, Timço Mucunski dhe Ervin Ibrahimoviq, në një konferencë për shtyp në Ministrinë e Punëve të Jashtme dhe Tregtisë së Jashtme.
Ibrahimoviq, i cili ndodhet në vizitë zyrtare në vend, fillimisht shprehu ngushëllime për tragjedinë në Koçani.
“Thellësisht na preku humbja e jetëve të reja dhe përcolla mbështetjen e Malit të Zi në riparimin e pasojave të këtij aksidenti dhe në rikuperimin e të lënduarve”, tha Ministri dhe Zëvendëskryeministri i Qeverisë së Malit të Zi.
“Theksoi se si dy vende të udhëhequra nga vlerat evropiane dhe euroatlantike, ka hapësirë të madhe që bashkëpunimi i shkëlqyer dypalësh të intensifikohet më tej.
“Anëtarësimi i plotë në BE është një qëllim strategjik i Malit të Zi dhe një përparësi kyçe e politikës së jashtme. Kjo vendosmëri që ndajmë me Maqedoninë e Veriut në kontekstin e rrethanave gjeopolitike bashkëkohore, fiton rëndësi shtesë. Unë besoj se si një vend që ka bërë përparimin më të madh në procesin e negociatave, mund të bëjmë një hap vendimtar dhe të shërbejmë si provë se zgjerimi i BE-së është real dhe anëtarësimi i Ballkanit Perëndimor është i arritshëm, theksoi Ibrahimoviç, duke shtuar se çdo sukses i njërit prej vendeve të rajonit në rrugën evropiane është lajm i mirë për të gjitha tjerat.
Ai tha gjithashtu se perspektiva evropiane është garantuesi më i fortë për prosperitet dhe stabilitet të mëtejshëm, por edhe një faktor shtesë koheziv i bashkëpunimit në rajon, dhe në këtë kontekst, vuri në dukje, Mali i Zi dhe Maqedonia e Veriut mund të shërbejnë si shembull.
Ministri malazez tha se i kushtuan vëmendje të veçantë lidhjes së transportit midis dy vendeve, ndërsa ministri i Maqedonisë theksoi se ata arritën në përfundimin e ndërsjellë se bashkëpunimi ekonomik nuk ndjek nivelin e marrëdhënieve politike dhe se shkëmbyen ide se si të përqendrohen në shfrytëzimin e potencialeve dhe mundësive ekzistuese me qëllim që të kontribuojnë në promovimin e bashkëpunimit ekonomik dhe rritjen e shkëmbimit tregtar, si dhe bashkëpunimin në fushën e turizmit.
“Ne ndajmë të njëjtin mendim në lidhje me situatën në rajon, dhe ndajmë domosdoshmërinë e fokusit tonë të fortë në të gjitha nivelet – dypalësh, rajonal dhe shumëpalësh, me qëllim ruajtjen e paqes, stabilitetit dhe prosporitetit si themele kryesore për përfitimet e të gjithëve në rajonin tonë. Ne nëshkruam Memorandumin e mirëkuptimit në fushën e trajnimeve diplomatike midis ministrive tona, duke formalizuar kështu ligjërisht këtë segment të bashkëpunimit tonë”, tha Mucunski në konferencën për shtyp.
Ai theksoi se në takim theks i veçantë është vënë në procesin e integrimit evropian të të dy vendeve.
“Mbështetja e ndërsjellë që shprehim për planin e integrimit evropian është një shembull i mirë i vendosmërisë sonë për të përparuar në këtë rrugë që do të na ofrojë siguri, stabilitet dhe përparim drejt një Evrope të begatë që synojmë bashkërisht. Bashkarisht konstatuam se nevojitet një angazhim më i madh në fushën e përforcimit të reformave dhe promovimit të sundimit të ligjit si bazë për ndërtimin e shoqërive të qëndrueshme dhe funksionale”, shtoi Mucunski.