Shkup, 9 korrik – Ministri i Punëve të Jashtme dhe Tregtisë së Jashtme, Timço Mucunski, sot ishte nikoqir i ministrit shtetëror të Punëve të Jashtme të Katarit, Sulltan Bin Saad Al Muraiki, i cili qëndron për vizitë zyrtare në vendin tonë, njofton Ministria.
Dy ministrat janë dakorduar se vizita paraqet konfirmim për vlerat e ndara dhe përkushtimin e ndërsjellë ndaj zhvillimit më dinamik të marrëdhënieve dypalëshe, me theks të veçantë në lidhjet ekonomike dhe shkëmbimin tregtar.
“Në takim u diskutua edhe për marrëdhëniet e përgjithshme midis dy vendeve dhe mundësitë për përmirësimin e mëtejshëm të tyre, gjatë të cilit u shpreh kënaqësia për bashkëpunimin e deritanishëm, përfshirë edhe në kuadër të organizatave shumëpalëshe. Vëmendje e veçantë iu kushtua zhvillimit të marrëdhënieve ekonomike dhe të biznesit, si dhe potencialit për promovimin e bashkëpunimit arsimor dhe kulturor”, thuhet në kumtesën e MPJTJ.
Në mënyrë shtesë, janë hapur çështje të ndërlidhura me avancimin e kornizës së kontraktuar, vendosjes së sërishme të linjës së drejtpëdrejtë ajrore Shkup – Doha, si dhe formave tjera të bashkëpunimit sektorial.
Bisedimet kanë përfshirë edhe tema të karakterit rajonale dhe ndërkombëare, duke mbuluar edhe sfida aktuale dhe globale me interes të përbashkët për dy vendet.