Shkup, 21 korrik – Ndërmarrja Publike, Ujësjellësi dhe Kanalizimi alarmon për rritje enorme dhe të pakontrolluar të shfrytëzimit të ujit në nivel ditorë, gjë që siç njoftojnë po shkakton prishje të stabilitetit në sistemin e ujësjellësit.
Për këtë arsye, thonë ata, sistemi i ujësjellësit shpesh po funksionon me presion të ulët dhe ndërprerje të përkohshme të ujit në disa pjesë të qytetit.
Nga atje u bëjnë thirrje qytetarëve që ta përdorin ujin e pijshëm në mënyrë racionale dhe të përgjegjshme, të shmangin përdorimin e panevojshëm për ujitjen e gjelbërimit, kopshteve, apo livadheve, të mos lajnë makinat dhe të mos i mbushin pishinat.
Ata po ashtu u bëjnë thirrje edhe organeve të vetëqeverisjes lokale, që në pajtueshmëri me kompetencat dhe përmes shërbimeve që i kanë në dispozicion të angazhohen në rritjen e vetëdijes te qytetarët për përdorim racional të ujit të pijshëm.