Shkup, 28 korrik – Në Kuvend sot seanca do të mbajnë komisionet për arsim, shkencë dhe sport, për mbrojtje dhe siguri, për transport, transformim digjital, mjedis jetësor dhe planifikim hapësinor, si dhe Komisioni juridiko- ligjvënës.
Në rend dite të Komisionit për arsim, shkencë dhe sport është debati rreth amendamenteve për Propozim- ligjin për institucionet e arsimit të mesëm të bashkësive fetare. Sipas informacioneve nga ueb faqja e Kuvendit janë dorëzuar 22 amendamente.
Propozim vendimi për dërgimin e pjesëtarëve të Armatës së Republikës së Maqedonisë së Veriut për pjesëmarrje në operacionet ndërkombëtare të Organizatës së Kombeve të Bashkuara “UNIFIL” në Republikën e Libanit, në lexim i dytë është në rendin e ditës së Komisionit për mbrojtje dhe siguri.
Për Propozim ligjin për ndryshim dhe plotësimin e Ligjit për banim, gjithashtu në lexim të dytë i cili është në rend dite të Komisionit për transport, transformim digjital, mjedis jetësor dhe planifikim hapësinor janë dorëzuar dy amendamente.