Tetovë, 17 shtator – Komuna e Podujevës ka njoftuar se më 19 shtator 2025, në orën 12:00, në fshatin Llugë, do të mbahet ceremonia inauguruese e shtatores së Heroit të Kombit dhe udhëheqësit të Lëvizjes Popullore të Kosovës, Afrim Zhitia. Manifestimi do të zhvillohet pranë Obeliskut kushtuar figurës së tij.
Në këtë ngjarje përkujtimore, përveç drejtuesve institucionalë dhe qytetarëve, pritet të marrë pjesë edhe lideri i Bashkimit Demokratik për Integrim (BDI) nga Maqedonia e Veriut, Ali Ahmeti.
Kryetari i Komunës së Podujevës, Shpejtim Bullia, ka ftuar qytetarët të bëhen pjesë e ceremonisë, duke e cilësuar atë një akt nderimi për një prej figurave më të shquara të rezistencës kombëtare.
