Ambasadori i Shteteve të Bashkuara të Amerikës në Kosovë, Jeff Hovenier, ka theksuar se për të arritur anëtarësimin e plotë në NATO dhe BE, Kosova duhet të sigurojë miratimin e të gjitha vendeve anëtare.
“Nuk e shoh se si mund të bëhesh anëtar i plotë i NATO-s pa miratimin e të gjithë anëtarëve të NATO-s”, ka thënë Hovenier në Samitin e Kosovës për Paqe dhe Demokraci.
Ai theksoi se disa nga këto vende ende nuk e kanë njohur zyrtarisht realitetin e një Kosove sovrane, të pavarur dhe demokratike, dhe se është e rëndësishme që Kosova t’i bindë ato.
“Nëse dëshiron të bashkohesh në një klub, mos urino te dera e klubit.”
Ai përfundoi duke theksuar rëndësinë e ndjekjes së institucioneve dhe procedurave ndërkombëtare për të siguruar mbështetjen e nevojshme për anëtarësim.