Një i mitur i merr disa herë nga 10 euro një të mituri tjetër në Prishtinë, dërgohet në mbajtje

Një person (i mitur) është arrestuar për shkak se i njëjti dyshohet se disa herë përmes mashtrimit ka marrë nga i mituri tjetër shumën nga 10 euro.

Sipas raportit 24 orësh të Policisë së Kosovës bëhet e ditur se rasti ka ndodhur më 18.11.2024 rreth orës 13:07 në rrugën “Rugova”, në Prishtinë.

Tutje bëhet e ditur se i dyshuari pas inicimit të rastit me vendim të prokurorit është dërguar në mbajtje.

“Është arrestuar i dyshuari mashkull kosovar (i mitur), për shkak se i njëjti dyshohet se disa herë përmes mashtrimit ka marrë nga viktima mashkull kosovar (i mitur) shumën nga 10 euro. I dyshuari pas inicimit të rastit me vendim të prokurorit është dërguar në mbajtje”, thuhet në raport.