“Njëherë Kuvendi, pastaj Qeveria” – Kurti i thotë dy fjalë pas tetë dështimeve për konstituimin e Kuvendit

Kryeministri në detyrë i Kosovës, Albin Kurti pas tetë dështimeve të konstituimit të Kuvendit më në fund ka vendosur të flas.

Ndonëse nuk tha shumë, Kurti kësaj radhe vendosi t’i mos i injorojë pyetjet e gazetarëve për formimin e institucioneve.

“Njëherë Kuvendi, pastaj Qeveria”, tha shkurt Kurti. Ai këto komente i bëri gjatë një vizite në Istog ku mori pjesë në vendosjen e gurthemelit të projektit të banimit të përballueshëm dhe social.

Në seancën e djeshme, në përpjekjen e tetë të Kuvendit për t’u konstituuar, Albulena Haxhiu për të gjashtën herë nuk mori votat e nevojshme për postin e kryeparlamentares.