Danimarka do të ndalojë të gjitha fluturimet e dronëve civilë mbi territorin e saj javën e ardhshme, me qëllim garantimin e sigurisë së Samitit të BE-së, ku krerët e qeverive do të takohen në Kopenhagen, njoftoi sot Ministria e Transportit.
“Danimarka do të presë udhëheqësit evropianë javën e ardhshme dhe ne do t’i kushtojmë vëmendje të veçantë sigurisë. Prandaj, nga e hëna deri të premten, ne do ta mbyllim hapësirën ajrore daneze për të gjitha fluturimet e dronëve civilë”, tha ministria.
Fluturimet e dronëve të panjohur në hapësirën ajrore daneze që nga 22 shtatori kanë çuar në mbylljen e aeroporteve, me Danimarkën që lë të kuptohet për përfshirje të mundshme të Rusisë.
