OEMVP zhvillon Mbledhjen e III-të të Këshillit Drejtues në Strugë

Strugë, 25 maj – Në hapësirat e Hotelit Ëmbla në Strugë u zhvillua Mbledhja e III-të e Këshillit Drejtues të Odës Ekonomike të Maqedonisë Veri-Perëndimore, e thirrur nga Kryetari z. Mendi Qyra. Mbledhja mblodhi anëtarët e Këshillit drejtues, Mbikëqyrës, Drejtorin Ekzekutiv dhe Menaxheren operative për të diskutuar temat kyçe që lidhen me zhvillimin strategjik të Odës dhe aktivitetet e ardhshme institucionale.

Në fokus të mbledhjes ishin përgatitjet për shënimin e 20-vjetorit të themelimit të OEMVP-së, një moment historik për institucionin dhe komunitetin e biznesit që përfaqëson.