Për 27 përqind u rrit sasia e ujit të përdorur

Në Maqedoninë e Veriut është rritur për 27 përqind sasia e ujit të përdorur gjatë vitit 2024, krahasuar me sasinë e ujit në vitin 2023.

“Sasia totale e ujit të përdorur në vitin 2024 është 3 464 000 000 m3 dhe krahasuar me vitin 2023, shënon rritje për 27.0%”, raportoi Enti Shtetëror i Statistikave.

Në raport theksohet se vetëm 22 përqind e ujërave të shkarkuar gjatë vitit 2024 janë pastruar.

“Sipas origjinës së ujit për furnizim të ndërmarrjeve, sasia më e madhe e ujit është nga ujërat sipërfaqësore, respektivisht 49.8%”, raportoi Enti.