Përfshihet nga flakët apartamenti në një pallat në Lezhë

Një zjarr ka rënë në një banesë në lagjen “Skënderbeg” të qytetit të Lezhës. Sipas asaj që raporton korrespondenti i Klan News, Martin Marku ngjarja ka ndodhur në katin e tetë të një pallati, në banesën e personit P.Gj.

Fatmirësisht, nuk raportohet për persona të lënduar, ndërsa zjarri ka shkaktuar vetëm dëme materiale.

Në vendngjarje ndodhen shërbimet e policisë dhe zjarrfikësit, të cilët po punojnë për shuarjen e flakëve dhe zbardhjen e shkaqeve të zjarrit.