E ngarkuara me punë e Shteteve të Bashkuara, Nancy VanHorn është takuar sot me ministrin e Brendshëm, Ervin Hoxha.
Takimi u zhvillua në Ministrinë e Brendshme teksa akoma nuk ka një njoftim zyrtar lidhur me detajet e kësaj vizite.
Takimi vjen një ditë pas arrestimit të Ilir Metës, kryetar i Partisë së Lirisë, ish-president i vendit, arrestimi i të cilit u komentua gjatë ditën e djeshme për mënyrën e prangosjes së tij nga forcat e Lëvizëse Operacionale të Policisë së Shtetit.
Përfaqësues të Partisë së Lirisë dhe opozitës e cilësuan arrestimin si rrëmbim politik duke pretenduar se policia përdori dhunë gjatë ndalimit të tij ndërsa udhëtonte me makinë në autostradë. Ndërsa Policia dhe ministri i Brendshëm Hoxha thanë se nuk pati dhunë gjatë arrestimit, por se Meta kishte kundërshtuar arrestimin.
Pak ditë më parë përfaqësuesja e SHBA-së zhvilloi një takim kreun e SPAK-ut, Altin Dumani, dhe vlerësoi arritjet e SPAK-ut në ndjekjen penale të korrupsionit dhe krimit të organizuar në nivelet më të larta.