Shkup, 20 shkurt – Zëvendëskryetari i parë i Qeverisë dhe ministër i Mjedisit Jetësor dhe Planifikimit Hapësinor, Izet Mexhiti në pyetjen e gazetarëve pse lideri i BDI-së, Ali Ahmeti nuk është ftuar në Prokurori dhe në polici nëse është i sigurt se ai është në komunikim të përditshëm me ish zëvendëskryeministrin Artan Grubi i cili është në arrati, tha se adresa për atë pyetje janë dy institucione të përmendura.
“Kjo nuk është puna ime, ajo është punë e Prokurorisë dhe e Policisë, por unë i njoh nga afër, shoh se si funksionojnë dhe shoh se ende janë nën ndikim të tij”, tha Mexhiti.
Në pyetjen e gazetarëve nëse si Qeveri kanë informacione nga MPB nëse është gjetur lokacioni i Grubit dhe nëse duke pasur parasysh se ka deklaruar se Grubi është në komunikim me krerë të lartë të BDI-së vlerëson se Prokuroria në bazë të zërave duhet t’i thirr në bisedë”, Mexhiti përsëri foli për Ahmetin.
“Pyeteni zotëri Ahmetin ai saktë e di se ku ndodhet, ashtu deklaroi publikisht”, tha Mexhiti në pyetjen e gazetarëve para paraqitjes në ngjarjen përfundimtare të projektit “Ndërtimi i kapaciteteve drejt zhvillimit të qëndrueshëm të kapitalit njerëzor në Maqedoninë e Veriut”.