Presidenti i Partisë së Lirisë, Ilir Meta ka reaguar për përplasjen ndërmjet deputetëve të opozitës dhe forcave të policisë ditën e sotme para ambienteve të Kuvendit.
Kreu i PL-së, në një reagim në rrjetet sociale, tha se dënon me “ashpërsinë më të madhe kërcënimin me armë zjarri dhe kanosjen me jetë të deputetëve të opozitës, në ambientet e Kuvendit, nga Narkopolicia”.
Meta e përmbyll reagimin e tij, duke theksuar se “përballë kësaj junte që i drejton armën deputetëve të opozitës, e vetmja alternativë mbetet përballja dhëmb për dhëmb deri në përmbysje”.
Gjatë ditës së sotme opozita u përplas me Gardën e Republikës dhe Policinë në oborrin e Kuvendit. PD akuzon akuzon policinë se ka nxjerr armën, teksa Policia e Shtetit përgënjeshtroi këtë pretendim, duke publikuar edhe një video.