Shkolla 9 vjeçare “Kushtrimi i Lirisë” në Durrës po rilind me ambiente moderne, për të qenë gati në shtator për rreth 800 nxënës dhe 28 fëmijë të kopshtit që do të jetë në të njëjtën godinë.
Punimet për rikonstruksionin e kësaj shkolle kanë ecur me ritme të mira, ndërsa investimi parashikon standarde europiane në ndërtim.
Kryeministri Edi Rama ndau sot në rrjetet sociale pamje nga punimet që po kryhen në këtë shkollë.
Kryeministri theksoi se “në Durrës janë rindërtuar 70 shkolla, kopshte e çerdhe të cilat ofrojnë kushte sipas standardeve të BE-së”.
Pas rikonstruksionit edhe ky objekt arsimor do t’i shtohet kolanës së shkollave të rehabilituara në gjithë vendin që garantojnë standarde shumë të mira për nxënësit, por edhe për mësuesit.
