Rreth 50 turistë izraelitë kanë mbetur të ngujuar në Sarajevë në Bosnjë-Hercegovinë, pasi pasaportat e tyre ishin humbur në hotelin Hills, raporton “Dnevni Avaz”.
Mediumi boshnjak ka publikuar videon e momentit kur pasaportat përfunduan në koshin e plehrave të hotelit e më pas nga aty në deponi.
Sipas “Avaz” shihet se gabimi ishte aksidental.
Ministria e Jashtme e Bosnjë-Hercegovinës ka thënë se turistët mund të largohen që nesër, ndërsa hoteli u ka ofruar atyre akomodim shtesë deri në përfundim të procesit.
Portali izraelit “Ynet” raportoi se 47 turistëve iu hodhën gabimisht pasaportat në shportën e plehrave dhe nga aty përfunduan në deponi.
