368
Shkup, 21 maj – Sallat kirurgjike në Qendrën Klinike përsëri kthehen në përdorim. Problemi me ajrin e kompresuar është tejkaluar dhe me sukses është kryer servisimi, konfirmuan sot pasdite nga Ministria e Shëndetësisë për MIA-n.
“Asnjë pacient urgjent nuk ka mbetur pa kujdes shëndetësor këto dy ditë. Për intervenime urgjente pacientët janë referuar në Klinikën Universitare për Sëmundje Kirurgjike “Shën Naumi Ohrit” dhe në Spitalin e Përgjithshëm të Qytetit “8 Shtatori”, theksojnë nga Ministria e Shëndetësisë.