Sot nuk do të mbahet “Marshi i Engjëjve”, shtyhet për shkak të festës

Shkup, 17 janar – Shoqata e qytetarëve “16 Mars 2025” njoftoi se sot nuk do të mbahet “Marshi i Engjëjve”. Siç bëhet e ditur nga shoqata, vendimi për shtyrje është marrë në shenjë respekti ndaj festës së madhe ortodokse Vodici, një periudhë kur besimtarët mblidhen shpirtërisht, bekohet uji dhe rikujtohet domethënia e hirit hyjnor.

“Në frymën e festës, ditët para Vodicës ia kushtojmë lutjes së qetë, përulësisë dhe paqes së brendshme — për engjëjt tanë, për shëndet në të gjitha familjet dhe për të gjithë ata që ecin bashkë me ne”, thuhet në njoftim.

Nga shoqata theksojnë se qëllimi i këtij vendimi është të tregohet respekt ndaj traditës shpirtërore dhe zakoneve fetare, me shpresë që mëshira hyjnore të jetë me të gjithë.