Shkup, 20 qershor – Kryetari i Kuvendit, Afrim Gashi, realizoi takim me kolegun e tij nga Kuvendi i Republikës së Kosovës, Glauk Konjufca, në të cilin konstatoi se të dy vendet kanë bashkëpunim të shkëlqyer reciprok, që nga koha kur vendi e njohu pavarësinë e Kosovës. Është e rëndësishme të ruhet dhe thellohet ky trend i marrëdhënieve të mira në periudhën e ardhshme.
Siç kumtuan nga Kuvendi, u theksua se duke qenë se nuk ka çështje politike të pazgjidhura reciproke, fokusi duhet të jetë në projektet infrastrukturore, forcimi i bashkëpunimit ekonomik dhe tregtar, si dhe bashkëpunimi në fushën e arsimit, kulturës dhe shëndetësisë, me qëllim të lehtësimit të komunikimit dhe afrimit akoma më të madh të popujve.
Duke i uruar mirëseardhjen, Gashi konstatoi se të dy vendet kanë bashkëpunim të shkëlqyer reciprok, që nga koha kur vendi e njohu pavarësinë e Kosovës. Konjufca shprehu kënaqësinë për anëtarësimin e vendit tonë në NATO dhe uroi anëtarësimin sa më të shpejtë në Bashkimin Evropian.
“Nga ana e tij, Konjufca e ka uruar Gashin për pozitën e re, si Kryetar i Dhomës Ligjvënëse, pas zgjedhjeve të suksesshme, të cilat ishin test i demokracisë, seriozitetit dhe pjekurisë së shtetit. Ai shprehu gjithashtu kënaqësinë për anëtarësimin e vendit tonë në NATO dhe uroi anëtarësimin sa më të shpejtë në Bashkimin Evropian. Në vendin tonë Kosova sheh partner të mirë dhe fqinj korrekt nga i cili merr mbështetje të vazhdueshme ndër vite”, thuhet në kumtesën e Kuvendit.
Të dy bashkëbiseduesit ranë dakord se qëllimi i integrimit evropian është i përbashkët, ndajmë të njëjtën kornizë vlerash dhe orientimesh.