Shkup, 26 korrik – Në Ministrinë e Mbrojtjes ministri Vllado Misajllovski sot realizoi takim me ambasadorin e Republikës së Sllovenisë, Gregor Presker dhe atasheun e sapoemëruar të mbrojtjes, kolonel Bensad Shinikoviq, informojnë nga Ministria e Mbrojtjes.
Në takim ministri Misajllovski ka shprehur mirënjohje të sinqertë për bashkëbiseduesit dhe shtetin e tyre, i cili, siç tha, përsëri, iu përgjigj me vetëmohim dhe në kohën më të shpejtë thirrjes sonë për ndihmë në përballjen me zjarret.
“Bashkëpunimi i mbrojtjes ndërmjet dy vendeve është në rritje të vazhdueshme dhe me nënshkrimin e marrëveshjes së re dypalëshe janë krijuar kushte për zgjerimin dhe avancimin e fushave ekzistuese të bashkëpunimit”, u konfirmua në takimin e sotëm.
Ambasadori Presker theksoi se Sllovenia shpreh mbështetje të qartë për anëtarësimin tonë në BE dhe se janë të gatshëm të ndihmojnë në proceset e reformave.