Shkup, 4 korrik – Kryetari i Gjykatës Kushtetuese, Darko Kostandinovski ka realizuar takim me Martin Pamer, ambasador i Republikës së Austrisë në vend.
Siç informojnë nga Gjykata Kushtetuese, Kostandinovski e njoftoi ambasadorin Pamer për aktualitetet dhe sfidat me të cilat përballet Gjykata dhe e njoftoi me prioritetet në mandatin e tij.
Në takim u shpreh kënaqësi e përbashkët për avancimin e bashkëpunimit ndërmjet dy gjykatave kushtetuese, ku kryetari Kostadinovski i dorëzoi një ftesë kryetarit të Gjykatës Kushtetuese të Austrisë, Kristof Grabenvarter.
Ambasadori Pamer theksoi se do të angazhohet për krijimin e një bashkëpunimi bilateral ndërmjet dy gjykatave, duke theksuar se e vlerëson shumë angazhimin e Gjykatës Kushtetuese të vendit, e cila ka një rol kyç në sigurimin e sundimit të ligjit dhe shtetit të së drejtës.