Shkup, 10 shtator – Ministri i Mbrojtjes Vllado Misajlovski sot ka realizuar takim me ambasadorin e Australisë Martin Pamer, zëvedësshefin e Misionit, Matijas Humenberge, atasheun e sapoemëruar dhe ish-atasheun e mbrojtjes së Austrisë, kolonel Kristian Tesar dhe kolonelin Kristian Smutek, njoftuan sot nga Ministria e Mbrojtjes.
Ministri Misajlovski në takim shprehu mirënjohje për bashkëpunimin e shkëlqyer me atasheun e deritanishëm të mbrojtjes, kolonel Smutek, dhe i uroi mirëseardhje dhe bashkëpunim të suksesshëm atasheut të sapoemëruar, kolonel Tesar.
Në takim u konfirmua bashkëpunimi i shkëlqyer dypalësh i mbrojtjes me Austrinë dhe mundësitë për përparimin e saj në fushën e logjistikës, përballjen e gjendjeve të krizës, trajnimin dhe edukimin ushtarak, kurset e operacioneve paqeruajtëse dhe fusha të tjera.