Shkup, 18 qershor – Ministra e Punëve të Jashtme dhe Tegtisë së Jashtme informon se grupi i parë i shtetasve të Maqedonisë së Veriut që kanë kërkuar evakuim nga territori i Izraelit, mbrëmë kanë mbërritur të siguri në Aeroportin e Shkupit.
Bëhet fjalë për tetë persona – katër fëmijë dhe katër të rritur – të cilët, si pjesë transportit më të madh të organizuar, e kanë lëshuar terriztorin e Izraelit dhe janë nisur drejt Egjiptit, prej ku me aeroplan në pronësi të Qeverisë janë transportuar në Shkup.
Ministri i Punëve të Jashtme dhe Tregtisë së Jashtme, Timço Muçunski, përmes rrjeteve sociale informoi për procesin e evakuimit të përfunduar me sukses, duke theksuar se me këtë operacion, vendi ynë është ndër të parët në Evropë që organizon dhe zbaton kthimin e sigurt të qytetarëve të saj nga zona e konfliktit në Lindjen e Mesme.
Ministria, përmes misionit diplomatik dhe konsullor në Tel-Aviv, mbetet në komunikim të vazhdueshëm me qytetarët e mbetur të Maqedonisë së Veriut që ndodhen në territorin e Izraelit. Për të gjitha pyetjet dhe mbështetjen konsullore, janë në dispozicion numrat kujdestar të telefonit.