Kumanovë, 15 shtator – Banorët e fshatit Nikushtak më në fund panë të realizuar një nga kërkesat e tyre më të mëdha. Me vendim të Ministrisë së Ambientit Jetësor dhe Planifikimit Hapësinor, u mbyll përfundimisht deponia jostandard/ilegale që për vite të tëra shkaktonte ndotje dhe shqetësime në këtë vendbanim.
Ky vendim shënon përmbushjen e premtimit të dhënë nga ministri Izet Mexhiti ndaj banorëve të Nikushtakut, të cilët me muaj të tërë kishin shprehur revoltën dhe shqetësimin e tyre për pasojat që sillte kjo deponi.
“E drejta vonon por nuk harron”, theksuan banorët, duke shprehur mirënjohje ndaj të gjithë atyre që kontribuan në mbylljen e saj. Me këtë vendim, jo vetëm që u përmbush një premtim politik, por mbi të gjitha u fitua një betejë e rëndësishme për shëndetin publik dhe ambientin në fshatin Nikushtak.
