VLEN: BDI nuk është parti politike, por makineri e lajmeve të rreme

nga D V 25/02/2025 3:01 pm

shkruar nga D V 25/02/2025 3:01 pm

Shkup, 25 shkurt – Fatmir Sabriu nga koalicioni VLEN, sot në konferencë për shtyp e akuzoi BDI-në se ajo nuk është parti politike, por makinë prodhuese e lajmeve të rreme. Ai tha se kur BDI kapen në korrupsion, shpikin kriza.

“Në pamundësi për të pranuar se janë opozitë, e që duhet të reformohen me kuadro dhe program, ata trillojnë armiq! Kur s’kanë argumente, shpikin lajme të rreme! Për 20 vjet, kjo klikë e funksionarëve të korruptuar ka përdorur çdo mjet për të mashtruar shqiptarët, duke mbajtur pushtetin me frikë, kërcënime dhe gënjeshtra. 20 vjet, 20 mijë rrena!”

“Ja disa nga mashtrimet me të cilat BDI i gënjeu shqiptarët: Gënjyen për Kosovën, se nuk ka pasur urim për pavarësinë, ndërsa u demantuan sa hap e mbyll sytë; Gënjyen për monstrën, për sopotin, për rastin “Alfa”; Gënjyen se fëmijët në Çashkë se do mësojnë shqip; Gënjyen për drejtësinë, premtuan Gjykatë të Lartë të Barazisë që kurrë nuk u bë; Gënjyen për shëndetësinë, premtuan shtëpi të shëndetit në çdo komunë – ku janë ato sot?; Gënjyen për bujqësinë, premtuan 20,000 euro për çdo fermer të ri – një tjetër mashtrim i madh!; Gënjyen për kazinot, premtuan se do të jenë 1 km larg nga shkollat, kopshtet, kishat dhe xhamitë – por kazinot dhe bixhozin e futën në çdo shtëpi; Gënjyen të rinjtë, u premtuan hua 20,000 euro për të blerë shtëpinë e parë – një tjetër mashtrim i madh! Dhe e fundit, me të cilën u kapën mat duke gënjyer, është Ministria që e drejtuan për 15 vite – pra Ministria e Ambientit Jetësor dhe Planifikimit Hapësinor!”.

D V

Postimi i mëparshëm

Aksioni kundër fajdesë në Prizren – prokuroria thotë se i dëmtuari ka dhënë kamata mujore prej 15 deri në 20 për qind

Postimi i radhës

Kush jemi ne

Kontakt / Marketing

Nyje lidhëse

VLEN: BDI nuk është parti politike, por makineri e lajmeve të rreme

Aksioni kundër fajdesë në Prizren – prokuroria thotë se i dëmtuari ka dhënë kamata mujore prej 15 deri në 20 për qind

Lushtaku paralajmëroi fundin politik të Limajt, reagojnë nga Nisma: Për këtë vendosim ne

TË REKOMANDUARA

Kush jemi ne

Kontakt / Marketing

Nyje lidhëse